Դիերի հերթական փոխանակումը Ուկրաինայի և Ռուսաստանի միջև
Ուկրաինան և Ռուսաստանը այսօր զոհվածների դիերի հերթական փոխանակումն են իրականացրել:
Ռազմագերիների հարցերով Ուկրաինայի համակարգող շտաբը հաղորդել է, որ ստացել է 252 զոհվածների դիեր: Ռուսական կողմի պնդմամբ՝ այդ դիերն ուկրաինացի զինծառայողներինն են: Կիևը մարմինների նույնականացում կկատարի:
Բելառուսական БелТА լրատվական գործակալության փոխանցմամբ՝ ռուսական կողմին են վերադարձվել 23 դիեր:
Փոխանակումն իրականացել է Ուկրաինայի և Բելառուսի սահմանի «Նովայա Գուտա» անցակետում:
Դիերի նախորդ փոխանակումը կատարվել էր օգոստոսի 13-ին, Ուկրաինային էին վերադարձվել 261, Ռուսաստանին՝ 24 զոհվածների մարմիններ:
