Աֆղանստանի նախագահական ընտրություններում առաջատարը դեռ Աբդուլլահ Աբդուլլահն է
BBC-ի փոխանցմամբ՝ Աֆղանստանի Անկախ ընտրական հանձնաժողովը ներկայացրել է ապրիլի 5-ին երկրում անցկացված նախագահական ընտրությունների նախնական արդյունքները: Խոսքը գնում է Աֆղանստանի 44 նահանգից 26-ի քվեաթերթիկների 10 տոկոսի հաշվարկի մասին:
Դրանց համաձայն, առաջատարը երկրի նախկին արտգործնախարար Աբդուլլահ Աբդուլլահն է, ով հավաքել է քվեների 41.9 տոկոսը: Նրա մերձակա մրցակից, ֆինանսների նախկին նախարար Աշրաֆ Գանին հավաքել է քվեների 37.6 տոկոսը: Հանձնաժողովի նախագահը հայտարարել է, որ քվեների հետագա հաշվարկի ժամանակ, ամենայն հավանականությամբ, փոփոխության կենթարկվեն այդ տվյալները:
Եթե նախագահի 8 թեկնածուներից ոչ մեկն էլ չհավաքի քվեների 50 տոկոսից ավելին, ապա կանցկացվի քվեարկության 2-րդ փուլ:
Հիշեցնենք, որ Աֆղանստանում նախագահական ընտրությունների օրը զինյալները 690 հարձակում էին ձեռնարկել ընտրատեղամասերի վրա:
