Սիրիայում սպանվել է ադրբեջանցի ևս երկու զինյալ
Ադրբեջանական APA լրատվական գործակալության փոխանցմամբ՝ Սիրիայում զոհվել է ևս երկու ադրբեջանցի զինյալ: Նրանցից մեկի իրական անունն Իբրահիմ է, թեև նա հայտնի է եղել որպես Ջունդուլլահ Ազերի: 1981 թվականին ծնված Քերիմով Իբրահիմ Ասլանօղլուն հանդիսացել է մարտեր առանց կանոնների մարզաձևի գծով սպորտի վարպետ:
Սպանվածներից մյուսը 1987 թվականին ծնված Մահերամով Սամիր Սադեդինօղլուն է: Սիրիական հակամարտության ընթացքում այդ երկրում սպանվել է ավելի քան 100 ադրբեջանցի զինյալ, որոնք հանդես են եկել թե՛ կառավարական ուժերի, թե՛ նրանց հակառակորդների կողմից:
