Ռուսաստանը տնտեսական պատասխան պատժամիջոցներ չի կիրառի Արևմուտքի հանդեպ. Շուվալով
Ռուսական РИА Новости լրատվական գործակալության փոխանցմամբ՝ Ռուսաստանի առաջին փոխվարչապետ Իգոր Շուվալովը հայտարարել է, որ Ռուսաստանը տնտեսական պատասխան պատժամիջոցներ չի կիրառի Արևմուտքի երկրների հանդեպ:
Նա հավելել է, որ Ռուսաստանը չի պատրաստվում կասեցնել իր ավանդական ապրանքների արտահանումը միջազգային շուկաներ: Շուվալովն ընդգծել է, որ անհնար է պատժամիջոցների միջոցով Ռուսաստանի արտաքին քաղաքականության փոփոխմանը հասնելը.
«Ոչ մի սպառնալիք ո՛չ նախագահ Պուտինին, ո՛չ էլ քաղաքական ուժերին չի հարկադրի գործել այնպես, ինչպես որ դա կցանկանային ԱՄՆ-ը, Գերմանիան ու մյուս գործընկերները»: Շուվալովը չի բացառել, որ Ռուսաստանի կողմից հնարավոր են որոշակի պատասխաններ, սակայն դրանք ուղղված չեն լինի տնտեսական գործընկերներին վնաս պատճառելուն:
