ԵՄ-ը մտադիր է Կոսովոյում ստեղծել միջազգային դատարան
Ուկրաինական UNIAN լրատվական գործակալության փոխանցմամբ` ԵՄ-ը մտադիր է Կոսովոյում ստեղծել միջազգային դատարան: Այն զբաղվելու է Սերբիայի հետ պատերազմի ժամանակ ալբանացի զինյալների կատարած հանցանքների հետաքննմամբ:
Ակնկալվում է, որ այդ դատարանը մասնավորապես հետաքննելու է 1998-1999 թվականների հակամարտության ժամանակ կատարված ռազմական հանցանքներին ալբանացի պարտիզանների մասնակցության հարցը: Դեռ քննարկման փուլում են գտնվում նոր դատարանի կազմակերպման մանրամասները:
Կոսովոյում պատերազմն ավարտվել է 1999 թվականի հունիսին, այն բանից հետո, ինչ ՆԱՏՕ-ն սերբական ուժերին դուրս մղեց Կոսովոյի տարածքից: 2008 թվականին Կոսովոն միակողմանիորեն հռչակեց իր անկախությունը Սերբիայից:
