Մերկելը Ռուսաստանին սպառնացել է հետագա պատժամիջոցներով
Deutsche Welle-ի փոխանցամբ` Գերմանիայի կանցլեր Անգելա Մերկելը Ռուսաստանի նախագահ Վլադիմիր Պուտինին սպառնացել է հետագա պատժամիջոցներով` Ուկրաինայում հակամարտության էսկալացման դեպքում: Այս մասին Մերկելը հայտարարել է Բեռլինում տեղի ունեցած կուսակցական համագումարում.
«Եթե հետագայում նույնպես ոտնձգություն իրականացվի Ուկրաինայի տարածքային ամբողջականության հանդեպ, ապա մենք հարկադրված կլինենք կիրառելու տնտեսական պատժամիջոցներ»:
Մերկելն ափսոսանք է հայտնել, որ երբ Գերմանիան սկսել է ավելի ինտենսիվորեն համագործակցել Ռուսաստանի հետ, այնտեղ հաղթել է տարածքային հավակնությունների մտածելակերպը` կապված նրա հետ, որ Ուկրաինայում մարդիկ պահանջել են Եվրոպայի հետ մերձեցում:
Մերկելն ընդգծել է, որ Եվրոպայում ոչ ոք չի ցանկանում խզել Մոսկվայի հետ երկխոսությունը:
