ՆԱՏՕ-ն պլանավորում է Ուկրաինային ցուցաբերել քաղաքական ու ռազմական աջակցություն
Ուկրաինական UNIAN լրատվական գործակալության փոխանցմամբ` ՆԱՏՕ-ն պլանավորում է Ուկրաինային ցուցաբերել քաղաքական ու ռազմական աջակցություն և պետք է դիտարկի իր ընդլայնման հնարավորության հարցը:
Այդ մասին երեկ Կրակովում տեղի ունեցած Defence Matters կոնֆերանսում հայտարարել է ՆԱՏՕ-ի գլխավոր քարտուղարի տեղակալ Ալեքսանդր Վերշբոուն.
«Մենք պետք է աջակցենք Ուկրաինային ու արևելյան մյուս գործընկերներին, ինչպիսիք են Վրաստանն ու Մոլդովան, ինչպես նաև համագործակցենք ԵՄ-ի հետ:
Ավելին, մենք պետք է մեր դռները բացենք նոր անդամների առաջ և հստակ հայտնենք մեր դիրքորոշումը, որ որևէ արտաքին ուժ չի կարող արգելափակել դաշինքին հնարավոր միացումը»:
Վերշբոուն դատապարտել է Ռուսաստանի կողմից Ղրիմի զավթումը` ընդգծելով, որ Ուկրաինայի դեմ ագրեսիայի շարունակումը հանգեցնելու է նրան, որ Ռուսաստանը ՆԱՏՕ-ի գործընկերոջից կվերածվի հակառակորդի:
Վերշբոուն ընդգծել է, որ չնայած նրան, որ Ուկրաինայի դեպքերի կապակցությամբ աշխարհին չի սպառնում նոր «Սառը պատերազմ», որը կաթվածահար կանի համագործակցության բոլոր ձևերը:
