Կոնգրեսի հանձնաժողովը հավանություն է տվել Ռուսաստանի դեմ պատժամիջոցների օրինագծին՝ դրանում Բաքվի ընդգրկումը մերժելով
ԱՄՆ Ներկայացուցիչների պալատի կանոնակարգի հարցերով հանձնաժողովը հավանություն է տվել Ռուսաստանի դեմ պատժամիջոցները խստացնելու օրինագծին՝ միաժամանակ մերժելով այն փոփոխությունը, որով առաջարկվում էր Ադրբեջանին ուղղակիորեն ներառել այն երկրների ցանկում, որոնց նկատմամբ կարող են սահմանվել մինչեւ 100% մաքսատուրքեր։
Խոսքը մահացած սենատոր Լինդսի Գրեհեմի անունով կոչված օրինագծի մասին է։ Փաստաթուղթը նախատեսում է խստացնել Ռուսաստանի նկատմամբ պատժամիջոցային ճնշումը եւ ԱՄՆ նախագահին լրացուցիչ լիազորություններ է տալիս բարձր մաքսատուրքեր սահմանելու Ռուսաստանի նավթի կամ բնական գազի հինգ խոշորագույն գնորդների, ինչպես նաեւ պատժամիջոցներից խուսափելուն նպաստող պետությունների նկատմամբ։
Կոնգրեսի Սենատը օրինագիծն ընդունել էր օգոստոսի 7-ին։ Ներկայացուցիչների պալատի կողմից հաստատվելու դեպքում օրինագիծը կուղարկվի ԱՄՆ նախագահի ստորագրմանը։
Հանձնաժողովի կողմից մերժված փոփոխությամբ առաջարկվում էր օրինագծում ներառել պետությունների ցանկ որպես մինչեւ 100% ամերիկյան մաքսատուրքերի հնարավոր թիրախներ։
Ցանկում էին Չինաստանը, Հնդկաստանը, Թուրքիան, Ադրբեջանը, Հունգարիան, Սլովակիան, ԱՄԷ-ն, Սինգապուրը, Ղազախստանը եւ Ղրղզստանը։
