ԵԱՀԿ Մինսկի խումբը Հայաստանի ու Ադրբեջանի արտգործնախարարներին առաջարկել է հանդիպել Հաագայում
Ադրբեջանական APA լրատվական գործակալության փոխանցմամբ՝ ԵԱՀԿ Մինսկի խմբի համանախագահները Հայաստանի ու Ադրբեջանի արտգործնախարարներին առաջարկել են իրենց հերթական հանդիպումն անցկացնել Հաագայում՝ միջուկային անվտանգության վերաբերյալ հերթական գագաթաժողովի շրջանակներում:
Այս մասին այսօր լրագրողների հետ զրույցում հայտարարել է Ադրբեջանի արտգործնախարար Էլմար Մամեդյարովը: Մամեդյարովն այլ մանրամասներ չի ներկայացրել: Հաագայում միջուկային անվտանգության շուրջ հերթական գագաթաժողովն անցկացվելու է մարտի 25-26-ին:
