Թբիլիսիում չեղյալ են հայտարարել Սերգեյ Բեզռուկովի թատրոնի հյուրախաղերը՝ կապված Ուկրաինայի հետ

Ռուսական Интерфакс լրատվական գործակալության փոխանցմամբ՝ Վրաստանի իշխանությունները չեղյալ են հայտարարել Թբիլիսիում Սերգեյ Բեզռուկովի թատրոնի ներկայացումը, ինչը կապված է նրա հետ, որ Բեզռուկովն Ուկրաինայի հարցում աջակցել է Ռուսաստանի քաղաքականությանը:

Համապատասխան որոշումն ընդունել է Վրաստանի Մշակույթի պալատը, որը հայտարարել է, որ աջակցում է Ուկրաինայի ինքնիշխանությանն ու տարածքային ամբողջականությանը և Ուկրաինայի ժողովրդի հետ բարեկամությանը: Բեզռուկովի թատրոնի հյուրախաղերը Թբիլիսիում պետք է անցկացվեին մայիսին: