ԵՄ-ը չի պարտադրում Վրաստանում միասեռ ամուսնությունների օրինականացում. Ֆյուլե
Новости-Грузия լրատվական գործակալության փոխանցմամբ՝ ԵՄ-ի ընդլայնման ու հարևանության քաղաքականության հարցերով հանձնակատար Շտեֆան Ֆյուլեն Թբիլիսիում հայտարարել է, որ ԵՄ-ի հետ Ասոցացման համաձայնագրի վերաբերյալ շատ լուրեր են շրջանառվում, սակայն Արևմուտքը մտադիր չէ Վրաստանի վզին փաթաթել այլ երկրների արժեքները.
«Վրաստանն ունի իր ավանդույթներն ու արժեքները, և ոչ ոք չպետք է վախենա դրանից: Օրինակ, ասում են, որ Ասոցացման համաձայնագրի ստորագրումը պահանջում է միասեռ ամուսնությունների ընդունում: Սակայն պայմանագրում որևէ բան նշված չէ այդ մասին: Վրաստանը պարտավոր չէ ընդունել նման օրենք:
Վիզայի ազատականացման հարցում միակ պահանջն առնչվում է հակախտրական օրենք ընդունելուն, ինչը պարտադիր է մարդու իրավունքների պաշտպանության համար: Հակախտրական օրենքն այն բանի երաշխիքն է, որ մարդկանց հանդեպ չի կիրառվի խտրական վերաբերմունք՝ եկնելով նրանց սեռից, ռասայից, ազգությունից ու սեռական կողմնորոշումից»:
