Ուկրաինայի 4 քաղաքում սուգ է հայտարարվել
Украинская правда-ի փոխանցմամբ՝ այսօր սուգ է հայտարարվել Ուկրաինայի 4 քաղաքում՝ կապված «Եվրամայդանի» ակտիվիստների զոհվելու հետ: Խոսքը գնում է Լվովի, Ռովնոյի, Լուցկի ու Տեռնոպոլի մասին: Բացի այդ, Տեռնոպոլի կենտրոնական հրապարակներից մեկն անվանակոչվել է «Եվրամայդանի հերոսների» անունով:
Քաղաքային խորհրդի պատգամավորներն այդպիսի որոշում են ընդունել հաշվի առնելով հունվարի 21-ին ու 22-ին Կիևում տեղի ունեցած աղետալի իրադարձությունները՝ քաղաքացիներին ծեծի ենթարկելն ու սպանելը:
Քաղաքային շենքերում իջեցվել են պետական բոլոր դրոշները, չեղյալ են հայտարարվել ժամանցային բոլոր միջոցառումներն ու մարզական մրցաշարերը: Համանման որոշում ընդունել են Լվովի, Ռովնոյի ու Լուցկի իշխանությունները:
