Կիևում «Բերկուտը» ճեղքել է ցուցարարների պաշտպանական գիծը (ուղիղ միացում)
Ուկրաինական UNIAN լրատվական գործակալության փոխանցմամբ՝ «Բերկուտի» հատուկջոկատայինները ժամը 12.00-ի մոտ դիմել են ակտիվ գործողությունների՝ ընդդեմ Կիևի Գրուշևյան փողոցում հավաքված ցուցարարների: Ցուցարարները մինչ այդ կառուցել էին բարիկադներ և դրանց շուրջ անցկացրել լարափակոցներ:
«Բերկուտին» հաջողվել է ցուցարարներին նեղել դեպի «Եվրոպական» հրապարակ՝ ճեղքելով ցուցարարների կառուցած պաշտպանական գիծը: Նրանք սկսել են վերացնել այրված ավտոբուսներից կառուցված արգելապատնեշները: «Բերկուտի» գրոհի սկսվելուց հետո հաղորդվել է երկու ցուցարարի զոհվելու (սպանվելու) մասին, որոնցից մեկը Սերգեյ Նիգոյանն է: Մյուսի ինքնությունը դեռ պարզված չէ: Մեկ ցուցարար էլ ընկել է բարձր տեղից ու մահացել:
