Կիևում զոհվել է ևս մեկ ցուցարար. մամուլ
ZN.UA-ի փոխանցմամբ՝ այսօր առավոտյան Կիևի Գրուշևյան փողոցում բողոքի ակցիայի ժամանակ սպանվել է երկրորդ մարդը: Որպես նրա մահվան պատճառ է նշվում սրտի շրջանում ստացած հրազենային վնասվածքը:
Բժիշկների խոսքերով՝ նրան վիրավոր վիճակում բերել են ժամը 08.30-ին, սակայն բժիշկներն անզոր են գտնվել, և նա մահացել է կես ժամ անց: Ժամը 11.00-ին նրա դիակն ուղարկվել է դիահերձարան: Նրա ինքնությունը դեռ հայտնի չէ: Հայտնի է միայն այն, որ նա երիտասարդ է՝ 25-30 տարեկան:
Սրանից առաջ էլ հաղորդվել էր, որ Կիևում գիշերային ժամերին սպանվել է Սերգեյ Նիգոյանը: ՆԳՆ-ը հաստատել է, որ նա ստացել է հրազենային վնասվածք:
