Կատալոնիայի խորհրդարանը քվեարկել է անկախության հանրաքվեի անցկացման օգտին
Բրիտանական Reuters լրատվական գործակալության փոխանցմամբ՝ Կատալոնիայի խորհրդարանը երեկ քվեարկել է Իսպանիայից անկախանալու շուրջ հանրաքվեի անցկացման օգտին:
Համապատասխան միջնորդագիրը Մադրիդ ուղարկելու օգտին քվեարկել է 87 պատգամավոր: Դեմ է հանդես եկել միայն 43 պատգամավոր, ևս երեքը ձեռնպահ է մնացել: Փաստաթղթում Մադրիդից պահանջվում է Կատալոնիային հատկացնել անկախանալու շուրջ հանրաքվե կազմակերպելու իրավունք:
Ակնկալվում է, որ Մադրիդը մերժելու է Բարսելոնին: Կատալոնիայում համապատասխան հարցում օրինակ են բերում Շոտլանդիան, որի բնակիչներն այս տարի քվեարկելու են Լոնդոնից անկախանալու շուրջ: 2013 թվականի հունվարին Կատալոնիայի խորհրդարանը փաստաթուղթ էր ընդունել մարզի ինքնիշխանության մասին, սակայն դա կրում է խորհրդանշական բնույթ:
