Օբաման ու Քեմերոնը քննարկել են Սիրիայի հարցը
Ռուսական РИА Новости լրատվական գործակալության փոխանցմամբ՝ ԱՄՆ նախագահ Բարաք Օբաման և Մեծ Բրիտանիայի վարչապետ Դևիդ Քեմերոնը երեկ հեռախոսազրույց են ունեցել, որի ժամանակ քննարկել են Սիրիայի հարցը: Այս մասին հայտնել է Սպիտակ տունը:
Նրանք մտահոգություն են հայտնել այդ երկրում մարդասիրական ճգնաժամի ու ծայրահեղականության աճի կապակցությամբ: Օբաման ու Քեմերոնը հաստատել են «Ժնև 2» կոնֆերանսի անցկացմանն իրենց հավատարիմ լինելը:
«Ժնև 2»-ի անցկացումը պլանավորված է հունվարի 22-ին: Հեռախոսազրույցի ժամանակ երկու առաջնորդն ընդգծել են Սիրիայի քիմիական զենքի ոչնչացման հարցում գրանցված առաջընթացը: Այդ գործընթացը պետք է ավարտվի մինչև ամառ:
