Վրաստանը պետք է ընտրություն կատարի ԵՄ-ի ու Սաակաշվիլիից վրեժ լուծելու միջև. Բերձենիշվիլի
Վրացական «Կվելա Սիահլե» («Բոլոր նորություններ») թերթին տված հարցազրույցի ժամանակ Վրաստանի խորհրդարանական մեծամասնության անդամ Լևան Բերձենիշվիլին հայտարարել է, որ հետաքննության դեպքում ի հայտ կգա նախկին նախագահ Միխեիլ Սաակաշվիլիի մեղավորությունը, սակայն երկիրը պետք է ընտրի ԵՄ-ի ու Սաակաշվիլիից վրեժխնդիր լինելու միջև:
Բերձենիշվիլին ընդգծել է, որ կարիք չկա հերոսացնել Սաակաշվիլիին, սակայն չարժե նաև կալանավորել նրան: Միևնույն ժամանակ նա նկատել է, որ ներկայումս Սաակաշվիլիի վարկանիշն ավելի բարձր է, քան Վրաստանինը, և որ նրան կալանքի տակ առնելը դուր չի գա աշխարհին.
«Իշխանություններն ու հասարակությունը պետք է վճռեն, թե որն է ավելի կարևոր. Վրաստանը՞, թե՞ Սաակաշվիլին: Եթե ավելի կարևոր է Սաակաշվիլին, ապա այդ դեպքում պետք է կալանավորել նրան, սակայն պետք է իմանալ, որ աշխարհին դա դուր չի գա:
Դժբախտաբար, Սաակաշվիլիի վարկանիշն այսօր ավելի բարձր է, քան՝ Վրաստանինը: Ելնելով դրանից՝ երկիրը պետք է ընտրություն կատարի ԵՄ-ի ու Սաակաշվիլիից վրեժ լուծելու միջև, այսինքն ապագայի ու անցյալի միջև: Դա այս իշխանության լրջագույն խնդիրն է»:
