Իրանն ու Գերմանիան խոչընդոտում են Թուրքիայի ու PKK-ի միջև խաղաղության բանակցություններին. Բեշիր Աթալայ
Թուրքական Hürriyet Daily News թերթի փոխանցմամբ՝ Թուրքիայի փոխվարչապետ Բեշիր Աթալայը հայտարարել է, որ մի շարք երկրներ, ինչպիսիք են Գերմանիան ու Իրանը, խանգարում են «Քրդստանի աշխատավորական» կուսակցության (PKK) հետ հրադադարին ուղղված Թուրքիայի ջանքերին:
Աթալայի խոսքերով՝ PKK-ի հետ հրադադարի բարդեցումն ուղղված է տեղական ինքնակառավարման մարմինների (ՏԻՄ) ընտրությունների անցկացման տապալմանը: Այդ ընտրությունները պլանավորված են այս տարվա մարտի 30-ին:
PKK-ի զինյալները Թուրքիան լքելու գործընթացը սկսել էին նախորդ տարվա մայիսի 8-ին, սակայն աշնանը հայտարարվեց, որ PKK-ն դադարեցնում է այդ գործընթացը, քանի որ Թուրքիայի կառավարությունը դրա դիմաց չի ձեռնարկում էական քայլեր:
