«Հզբոլլահը» պատրաստվում է հարձակվել Ադրբեջանում ու Թուրքիայում իսրայելական օբյեկտների վրա. մամուլ
Haqqin.az պորտալը, վկայակոչելով Virtualaz.org կայքը, հայտնում է, որ Իրանի աջակցությունը վայելող լիբանանյան «Հզբոլլահ» կազմակերպությունը, մի շարք ահաբեկչություններ է պատրաստում Բաքվում: Այս մասին գրել է Քուվեյթի «Էր-Ռաի» թերթը՝ վկայակոչելով արևմտյան ու իսրայելական հետախուզությունում իր աղբյուրները:
Առկա տեղեկատվության համաձայն, «Հզբոլլահը» պատրաստվում է հարձակում գործել Ադրբեջանում, Թուրքիայում, Կիպրոսում, Հունաստանում ու Եգիպտոսում իսրայելական օբյեկտների վրա: Ահաբեկչությունների իրականացման համար օգտագործվելու են թյուրքական երկրների քաղաքացիներ:
Նշվում է, որ ավելի վաղ Ադրբեջանի հատուկ ծառայություններն ամերիկյան ու իսրայելական հետախուզության օգնությամբ կանխել են Բաքվում «Հզբոլլահի» մի շարք ահաբեկչություններ:
