Խոդորկովսկին մեկնել է Գերմանիա
Ռուսական РИА Новости լրատվական գործակալության փոխանցմամբ՝ «ՅՈՒԿՕՍ» ընկերության նախկին ղեկավար Միխայիլ Խոդորկովսկին, որին այսօր ներում է շնորհել Ռուսաստանի նախագահ Վլադիմիր Պուտինը, ազատ արձակվելուց հետո մեկնել է Գերմանիա:
Այս մասին հայտարարել է Ռուսաստանի Պատիժների իրագործման դաշնային ծառայության մամլո բյուրոն: Վերջինիս հաղորդմամբ՝ ազատվելիս Խոդորկովսկին անձամբ խնդրել է ձևակերպել իր փաստաթղթերը՝ արտերկիր մեկնելու համար: Դրանից հետո Խոդորկովսկին մեկնել է Գերմանիա, ուր բուժում է ստանում նրա մայրը:
