Գործընկերները եւ ուսանողները շոկի մեջ են. 31-ամյա Ռոմանը չափից դուրս հավասարակշռված էր ինքնասպան լինելու համար
Նոյեմբերի 28-ի գիշերը՝ ժամը 4:00-ի սահմանում, ինքնասպանություն գործած «Հայ-հունական» քոլեջի տնօրենի խորհրդական 31-ամյա Ռոման Նահապետյանը հավասարակշռված մարդ է եղել, նորմալ վարք ունեցել, երբեք չի ընկճվել ու ցանկացած իրավիճակից փորձել է ելք գտնել: Այս մասին NEWS.am-ի հետ զրույցում ասել էքոլեջի տնօրեն Արթուր Վարդանյանը:
Երևանի զբոսաշրջության, սպասարկման և սննդի արդյունաբերության հայ-հունական պետական քոլեջի անձնակազմին և ուսանողներին Ռոման Նահապետյանի ինքնասպանության լուրը զարմացրել է, նրանք ոչ մի վարկած չունեն և չեն պատկերացնում, թե ինչը կարող էր նրան ստիպել ինքնասպանություն գործել: «Պարտաճանաչ, դաստիարակված, կրթված, զարգացած, գեղեցիկ, տարբեր լեզուներ իմացող, դրական, կյանքը ընկալող տղա էր: Շոկի մեջ ենք, ինչ լսել ենք: Ոչ մեկիս մտքով չի անցնում մի բան, որ դա կարող էր լիներ պատճառը: Քոլեջում սիրով, պարկեշտ, հարգանքով թե՛ ուսանողների, թե՛ դասախոսական անձնակազմի հետ: Ոչ թե հիմա իր հետևից ենք ասում, այլ էդպես ա եղել»,- NEWS.am-ին ասել է քոլեջի փոխտնօրեն Կարինե Մովսիսյանը՝ նշելով, որ Ռոմանն ապրում էր մոր հետ, ամուսնացած չէր, և իրենք չեն նկատել նաեւ, որ անձնականում ինչ-որ խնդիրներ ունենար:
Ամբողջությամբ կարող եք կարդալ սկզբնաղբյուր կայքում:
