Եվրախորհրդարանի առաքելությունը Ուկրաինային խորհուրդ է տվել մասնակի ներում շնորհել Տիմոշենկոյին
Ռուսական РИА Новости լրատվական գործակալության փոխանցմամբ՝ Եվրախորհրդարանի առաքելությունը Ուկրաինային խորհուրդ է տվել մասնակի ներում շնորհել ազատազրկման մեջ գտնվող նախկին վարչապետ Յուլյա Տիմոշենկոյին, ինչն Ուկրաինայի համար կլինի խնդրի լուծման ամենաիրատեսական տարբերակը:
Այս մասին նշված է մոնիթորինգային առաքելության ղեկավարներ Ալեքսանդր Կվասնևսկու և Պետ Կոքսի տարածած հայտարարությունում. «Մի քանի ամսյա մտորումներից ու տարբեր տարբերակների քննարկումներից հետո առաքելությունը խորհուրդ է տվել մասնակի ներում շնորհել Տիմոշենկոյին՝ որպես ընտրովի արդարադատության հետ կապված առկա խնդիրների լուծման առավել իրականանալի տարբերակ»:
Հիշեցնենք, որ երեկ տեղի է ունեցել Ուկրաինայի խորհրդարանի արտահերթ նիստը, որում, սակայն, չի ընդունվել «եվրաինտեգրացիոն» որևէ որոշում, այդ թվում նաև արտերկրում Տիմոշենկոյի բուժում ստանալու հարցը:
