Թուրքիայում չեղյալ կհայտարարվի կանանց համար խորհրդարան տաբատով ներկայանալու վրա դրված արգելքը
Թուրքական Zaman թերթի փոխանցմամբ` ակնկալվում է, որ Թուրքիայում չեղյալ կհայտարարվի խորհրդարանում ներկայացված կանանց համար տաբատ հագնելու վրա դրված արգելքը:
Նշվում է, որ դրան աջակցում են խորհրդարանում ներկայացված քաղաքական բոլոր կուսակցությունները: Թուրքիայի խորհրդարանի նախագահ Ջեմիլ Չիչեքն ընդգծել է, որ շուտով խորհրդարանում չեղյալ կհայտարարվեն բոլոր արգելքները:
Հիշեցնենք, որ 14.5-ամյա ընդմիջումից հետո այս տարվա հոկտեմբերի 31-ին Թուրքիայի խորհրդարանում վերստին հայտնվել է հիջաբը (մահմեդական գլխաշոր):
