Իրանն ու Մեծ Բրիտանիան սկսել են դիվանագիտական հարաբերությունների վերականգնման գործընթացը
ИТАР-ТАСС –ի փոխանցմամբ` Մեծ Բրիտանիան եւ Իրանը որոշում են կայացրել հատուկ բանագնացներ փոխանակելու վերաբերյալ, ինչը կարող է հանգեցնել երկու երկրների միջեւ դիվանագիտական հարաբերությունների վերականգնման: Այս մասին երեքշաբթի հայտարարել է Միացյալ Թագավորության արտգործնախարար Ուիլյամ Հեյգը:
«Երկու երկրներն էլ գործերի հավատարմատարներ կնշանակեն, որոնց նպատակը պետք է լինի երկկողմ հարաբերությունների վերականգնումը»,-հայտարարել է Հեյգը: Նա չի բացառել, որ ժամանակի ընթացքում այդ քայլերը կարող են հանգեցնել դեսպանատների բացման Լոնդոնում եւ Թեհրանում:
