Հոկտեմբերի 8-ին մեկնարկելու են ԱՄՆ-ի, Հարավային Կորեայի ու Ճապոնիայի համատեղ զորավարժությունները
![](https://168.am/wp-content/uploads/2013/10/904913587.jpg)
Հարավկորեական Renhap լրատվական գործակալության փոխանցմամբ՝ ամերիկյան ավիակիրն ու այլ հրթիռակիր նավեր երեկ ժամանել են Հարավային Կորեայի Պուսան նավահանգիստ՝ մասնակցելու համար այս շաբաթ կայանալիք ռազմածովային համատեղ զորավարժություններին:
Հարավային Կորեայում ԱՄՆ զինված ուժերի հրամանատարության խոսքերով՝ USS George Washington գերծանր ատոմային ավիակիրը, USS Antietam տիպի ավիակիրն ու USS Preble ականակիրը Կորեայի խոշորագույն նավահանգստում կգտնվեն 4 օր:
ԱՄՆ 7-րդ նավատորմին պատկանող George Washington հարվածային խումբն էլ բազավորված է Ճապոնիայում՝ Յոկոսուկայում: Նավերում զինծառայություն է կրում 6000 ծովային: Եռակողմ վարժանքները, որոնց ԱՄՆ-ից ու Հարավային Կորեայից բացի մասնակցելու է նաև Ճապոնիան, Կորեական թերակղզու հարավային ծովափի մոտ անցկացվելու են հոկտեմբերի 8-10-ին:
Զորավարժություններում ներգրավվելու են նաև Հարավային Կորեայի ու Ճապոնիայի Aegis էսկադրոնային ականակիրներն ու ծովային ինքնաթիռները: Նախօրեին էլ ԱՄՆ-ն ու Հարավային Կորեան սկսել են մեկ այլ զորավարժություններ՝ թերակղզու արևելյան ծովափում դեսանտի ափհանում: Այս զորավարժությունները կտևեն մինչև հոկտեմբերի 12-ը: