Թուրքիայում ձերբակալել են 70 մետրանոց թունելով բանտից փախուստի դիմած PKK-ականներին
Բրիտանական Reuters լրատվական գործակալության փոխանցմամբ՝ թուրք ոստիկաններն այսօր ձերբակալել են 18 քուրդ բանտարկյալի, որոնք 70 մետրանոց թունել փորելու միջոցով փախուստի էին դիմել երկրի արևելյան հատվածում գտնվող Բինգյոլ (Բյուրակն) քաղաքի բանտից:
Փախստականներին ձերբակալել են լեռներում՝ քաղաքից 16 կիլոմետր հեռավորության վրա: Նրանք փորձել են թաքնվել տեղի գյուղերից մեկում, սակայն անվտանգության ուժերին հաջողվել է հայտնաբերել ու ձերբակալել նրանց:
Նրանք բոլորն էլ բանտում են հայտնվել երկրում ահաբեկչական հռչակված ու արգելված «Քրդստանի աշխատավորական» կուսակցության (PKK) հետ համագործակցության համար, կամ էլ նախկինում արդեն իսկ դատապարտված են եղել այդ հանցանքի համար:
