Էրդողանն արտակարգ խորհրդաժողով է հրավիրելու՝ կապված Սիրիայի հետ
CNN Türk հեռուստաալիքի փոխանցմամբ՝ Թուրքիայի վարչապետ Ռեջեփ Էրդողանն այսօր արտակարգ խորհրդաժողով է հրավիրելու՝ կապված Սիրիայում տիրող իրավիճակի հետ:
Դրան մասնակցելու է արտգործնախարար Ահմեթ Դավութօղլուն, պաշտպանության նախարար Իսմեթ Յըլմազը, ներքին գործերի նախարար Մուամմեր Գյուլերը, Ազգային հետախուզական կազմակերպության (MIT) ղեկավար Հաքան Ֆիդանը, փոխվարչապետներ Բյուլենթ Արընչն ու Բեշիր Աթալայը:
Նիստում գլխավորապես քննարկվելու են Սիրիայում ստեղծված իրավիճակը և այդ երկրի դեմ Արևմուտքի կոալիցիոն ուժերի հնարավոր ռազմական միջամտությունը: Սրանից առաջ էլ նշվել էր, թե Դիարբեքիրի նահանգում գտնվող մարտական ինքնաթիռները համալրվել և բերվել են մարտական պատրաստության:
