Պուտինը մտադիր է Հասան Ռոուհանիի հետ բանակցել սեպտեմբերի 13-ին
Ռուսական ИТАР-ТАСС լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը մտադիր է Իրանի նորընտիր նախագահ Հասան Ռոուհանիի հետ բանակցել սեպտեմբերի 13-ին Բիշքեկում կայանալիք Շանհայի համագործակցության կազմակերպության (ՇՀԿ) գագաթաժողովում:
Այս մասին այսօր հայտարարել է Ռուսաստանի նախագահի՝ արտաքին հարցերով օգնական Յուրի Ուշակովը: Վերջինիս հաղորդմամբ՝ սեպտեմբերի 13-ին Բիշքեկում հանդիպելու առաջարկը ստացվել է իրանցի գործընկերներից, ինչին իրենք տվել են դրական պատասխան:
Ավելի վաղ նշվում էր, թե Վլադիմիր Պուտինը պատրաստվում է օգոստոսի կեսին մեկնել Իրան, ինչը կապվում էր նաև C-300 զենիթա-հրթիռային համալիրների մատակարարման խնդրի կարգավորման հետ:
