Ջեյմս Ուորլիքը կլինի լավ համանախագահ. Ռիչարդ Մորնինգսթար
Haqqin.az պորտալի փոխանցմամբ՝ Ադրբեջանում ԱՄՆ դեսպան Ռիչարդ Մորնինգսթարը երեկ լրագրողների հետ զրույցում մեկնաբանել է ԵԱՀԿ Մինսկի խմբի ամերիկացի համանախագահի պաշտոնում Ջեյմս Ուորլիքի նշանակումը.
«ԵԱՀԿ Մինսկի խմբի ամերիկացի նորանշանակ համանախագահ Ջեյմս Ուորլիքը շատ փորձառու դիվանագետ է: Ուորլիքն աշխատել է որպես ԱՄՆ պետդեպարտամենտի աֆղանական բյուրոյի փոխտնօրեն, Բուլղարիայում ԱՄՆ դեսպան:
Ես աշխատել եմ Ուորլիքի հետ, գիտեմ, որ նա կլինի լավ համանախագահ: Նա լավ կկատարի իր աշխատանքը: ԱՄՆ-ը մշտապես կողմնակից է դրական փոփոխությունների: Մեր բոլոր ջանքերն ուղղված են խաղաղ ճանապարհով հակամարտության կարգավորմանը»:
Մորնինգսթարը նաև լրագրողներին հայտնել է, որ դեռ հայտնի չէ, թե նոր համանախագահը երբ կժամանի տարածաշրջան: Նա հույս է հայտնել, որ դա տեղի կունենա շուտով:
