Ռուսական գազը որոշ չափով փոխարինվել է իրանական գազով
Այս տարվա առաջին կիսամյակում ՀՀ ներմուծվել է 1,310,411.8 հազար խորանարդ մետր գազ՝ 240.8 դոլար/հազ. խմ արժեքով: Այս մասին տեղեկանում ենք ՊԵԿ մաքսային ծառայության հրապարակած ցուցանիշներից:
Ըստ այդմ՝ այս տարվա առաջին կիսամյակում ՀՀ ներկրվել է 3.11%-ով պակաս գազ, քան անցած տարի նույն ժամանակաշրջանում: Մինչդեռ, «ՀայՌուսգազարդի» տվյալներով, ՌԴ-ից Հայաստան ներկրվող բնական գազի ծավալները 2013-ի առաջին կիսամյակում նվազել են 7.2%-ով: Այսինքն՝ այս 4.1% տարբերությունը Հայաստանը ներկրել է Իրանից:
Ի դեպ, հիշեցենք, որ անցած տարի ռուսական գազը ՀՀ էր ներկրվել 211.6 դոլար/հազ. խմ արժեքով:
