Լարվել են Սուրեն Խաչատրյանի և Հայկ Գրիգորյանի հարաբերությունները. մամուլ
«Ժողովուրդ» օրաթերթը գրում է. «Ըստ շրջանառվող լուրերի՝ վերջերս լարվել են Սյունիքի նախկին մարզպետ Սուրեն Խաչատրյանի և ԱԺ ՀՀԿ խմբակցության անդամ Հայկ Գրիգորյանի հարաբերությունները:
«Ժողովուրդի» տեղեկություններով՝ Ս. Խաչատրյանը վրդովված է այն բանից, որ Հայկին պատգամավոր է «դարձրել», իսկ նա այս ծանր պահին իր կողքին չէ: Ու, բացի այդ, տարբեր վայրերում հայտարարում է, թե ինքը ժողովրդի կողմից ընտրված պատգամավոր է ու որևէ առնչություն չունի Ս. Խաչատրյանի հետ:
«Ժողովուրդի» հետ զրույցում, սակայն, Գրիգորյանը հերքեց այդ լուրերը. «Մենք մեր կյանքում ապահովագրված չենք ստոր մարդկանցից, որոնք ամեն քայլափոխի ցանկանում են իրենց ստորություններով վնասել մյուսներին: Այս ընթացքում շատ չարախոսներ ցանկանում են սեպ խրել իմ ու Սուրիկ Խաչատրյանի հարաբերությունների մեջ»»:
Շարունակությունը՝ «Ժողովուրդի» այսօրվա համարում:
