Հատուկ գերատեսչություն՝ Նարեկ Սարգսյանի համար. մամուլ
«Հայկական ժամանակ» օրաթերթը գրում է. «Մեր ունեցած տեղեկությունների համաձայն, առաջիկայում Հայաստանում կստեղծվի մի նոր գերատեսչություն՝ քաղաքաշինության պետական կոմիտե: Ընդ որում, արդեն հայտնի է, որ այն գլխավորելու է Երևանի գլխավոր ճարտարապետ Նարեկ Սարգսյանը:
Նման կոմիտեի ստեղծման գաղափարի հեղինակը հենց Նարեկ Սարգսյանն է, որը ղեկավարելով այդ կոմիտեն, կստանա նոր լիազորություններ, և ընդհանրապես, սա կդառնա քաղաքաշինության ոլորտի սուպերգերատեսչություն: Թե ինչի դա կհանգեցնի, դժվար չէ կռահել, հաշվի առնելով մասնավորապես այն, ինչ տեղի ունեցավ և տեղի է ունենում Երևանի կենտրոնում՝ կանաչ տարածքների ոչնչացում, փայլփլուն, անդեմ շենքեր, կառույցների անասելի խտացում…:
Ըստ ամենայնի Նարեկ Սարգսյանն իր ներկայիս պաշտոնում, այնուամենայնիվ, լիազորությունների պակաս է զգում և որոշ դեպքերում կաշկանդված է իր «միջտիեզերական» քաղաքաշինական իդեաներն իրականացնելիս: Ամենաթարմ այդպիսի իդեաներից մեկն էլ Հանրապետության հրապարակի վերակառուցումն է»:
Շարունակությունը կարող եք կարդալ «ՀԺ»-ի այսօրվա համարում:
