Պակիստանում թալիբները բանտից ազատել են ավելի քան 240 բանտարկյալի
Ռուսական ИТАР-ТАСС լրատվական գործակալության փոխանցմամբ՝ Պակիստանի հյուսիս-արևմտյան հատվածում թալիբներն այսօր գրոհել են Դերա-Իսմայիլ-Խան քաղաքի բանտը: Դրա արդյունքում բանտից փախել է 243 բանտարկյալ, որոնցից 6-ն ավելի ուշ ձերբակալվել են:
Գրոհի ժամանակ զոհվել է 13 մարդ, այդ թվում նաև 6 ոստիկան, 4 բանտարկյալ, 2 զինյալ և 1 խաղաղ բնակիչ: Ականատեսների վկայությամբ՝ ահաբեկիչները հարձակվել են գիշերային ժամերին՝ անջատելով բանտի էլեկտրականությունը: Թալիբների ազատած բանտարկյալների թվում կան ծայրահեղական խմբավորումների բազմաթիվ անդամներ:
