Գիշերը ծեծկռտուք է տեղի ունեցել «Արամե» կարաոկե ակումբում
Երեւանում «Արամե» կարաոկե ակումբում, այսօր՝ հուլիսի 29-ի գիշերը ծեծկռտուք է տեղի ունեցել: NEWS.am-ի տվյալներով՝ մի խումբ երիտասարդներ ակումբում ծեծել են միմյանց՝ պատճառելով մարմնական վնասվածքներ:
Դեպքին միջամտել են իրավապահները եւ նրանց բերման ենթարկել ոստիկանության Կենտրոնի բաժին: Քաշքշուկ է եղել նաեւ նրանց ու իրավապահների միջեւ:
Ոստիկանության լրատվական ծառայությունից NEWS.am–ի հետ զրույցում հայտնել են, որ նրանց բաց են թողել, կատարվում է քննություն, նշանակվել է դատաբժշկական փորձաքննություն:
