Մարտին Վարդազարյան. «Ես, ցավոք, մեքենա չունեմ»
«Յուրաքանչյուր թանկացում ընդունվում է դժվարությամբ և միևնույն ժամանակ յուրաքանչյուր երևույթ՝ թե դրական, թե բացասական կարող է չարաշահվել, իսկ չարաշահումներով կարող է բերել ինչ-որ արդյունքների: Ես կարծում եմ, որ անհրաժեշտ է այս հարցը մանրամասն հասկանալ, ուսումնասիրել, հետո եզրակացություններ անել»,- այս մասին 168.am-ի հետ զրույցում ասաց Երևանի ավագանու ՀՀԿ խմբակցության անդամ Մարտին Վարդազարյանը՝ անդրադառնալով տրանսպորտի գնի թանկացանը:
Խոսելով քաղաքում մի քանի օր շարունակ կազմակերպվող ակցիաների և քաղաքացիների արձագանքի մասին՝ Երևանի ավագանու անդամն ասաց. «Բնական ռեակցիա է յուրաքանչյուր փոփոխության նկատմամբ: Չնայած կային շատ փոփոխություններ, որոնց նկատմամբ ռեակցիա չի եղել»:
Մեր հարցին՝ արդյոք չեք պատրաստվո՞ւմ միանալ ակցիային և մարդկանց սեփական մեքենայով անվճար տեղափոխել՝ Մարտին Վարդազարյանը պատասխանեց. «Ես, ցավոք, մեքենա չունեմ»:
