Ֆրանսիայի ու Ադրբեջանի արտգործնախարարները քննարկել են ԼՂ-ի հարցը

Ադրբեջանական APA լրատվական գործակալության փոխանցմամբ՝ հուլիսի 23-ին Փարիզում տեղի է ունեցել Ֆրանսիայի ու Ադրբեջանի արտգործնախարարներ Լորան Ֆաբիուսի և Էլմար Մամեդյարովի հանդիպումը:

Հանդիպման ժամանակ նախարարները քննարկել են Ֆրանսիայի ու Ադրբեջանի միջև երկկողմանի հարաբերությունների զարգացման հարցը, հարաբերությունների քաղաքական ու տնտեսական ասպեկտներ, ինչպես նաև ԵՄ-ի ու Ադրբեջանի հարաբերությունների հարցը:

Արտգործնախարարներն անդրադարձել են նաև Ղարաբաղյան հակամարտության խաղաղ կարգավորման շուրջ տարվող բանակցային գործընթացին: