Ամենաթանկ ծծակը՝ 17.000 դոլար
Մեծահարուստները սիրում են գումարներ վատնել շքեղ առարկաներ ձեռք բերելու համար: Դա վերաբերում է ոչ միայն առանձնատներին, ավտոմեքենաներին և հարստության արտահայտություն համարվող այլ ատրիբուտներին, այլև երեխաների համար կատարվող գնումներին: Ի թիվս նորածին երեխաների համար նախատեսված այլ պարագաների, որոշ ընկերություններ արտադրում են նաև թանկարժեք ծծակներ: Աշխարհի ամենաթանկ ծծակը պատրաստված է բարձր որակի սիլիկոնից և զարդարված է 278 հարթ կտրված ադամանդներով, որոնց ընդհանուր կշիռը կազմում է շուրջ 3 կարատ: Ծծակը պատված է նաև սպիտակ ոսկիով՝ 14 կարատ ընդհանուր կշռով: Այս ծծակը, որն ամենաթանկն է աշխարհում, արժե 17 հազար դոլար:
