Իջևանցի տղամարդը կախվել է աշխատանք չունենալու պատճառո՞վ
Հուլիսի 3-ին Իջևանի տուրիստական բազայի մոտ, բարձրադիր վայրում հայտնաբերվել էր Իջևան քաղաքի բնակիչ, 1951թ. ծնված Տիգրան Բլբուլյանի դին:
tesankyun.am-ի փոխանցմամբ՝ ոստիկանները 5 օր որոնել էին նրան: Վերջինիս կինը՝ Սուսաննա Չիբուխչյանը, կայքին հայտնել է, որ իր ամուսինը վարքով տարօրինակ չէր, բարձրագույն կրթություն ուներ, ավարտել էր Պոլիտեխնիկ ինստիտուտը: Կնոջ ասելով՝ նա շինարարության աշխղեկ էր, շատ էր մտահոգված, որ ինքը երկար ժամանակ աշխատանք չուներ: Տիկին Սուսաննան հերքել է այն տեղեկությունը, թե իր երեք որդիներից մեկը հոգեկան հիվանդ է՝ ասելով, որ իր զավակներից ոչ մեկը հիվանդ չէ: Հիշեցնենք, որ ոստիկանությունը դեպքի կապակցությամբ քննություն է կատարում:
