Պարույր Հայրիկյանի գործով ամբաստանյալի ավտոմեքենան փորձաքննության չի ենթարկվի
Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում շարունակվում է Պարույր Հայրիկյանի դեմ մահափորձի գործով դատական նիստը: Նիստի ընթացքում դատավոր Գագիկ Պողոսյանը մերժեց գործով ամբաստնյալ Խաչատուր Պողոսյանի պաշտպան Լյուդվիգ Ավետիսյանի՝ իր պաշտպանյալի ավտոմեքենան ապրանքագիտական փորձաքննության ենթարկելու մասին միջնորդությունը:
Պաշտպան Լյուդվիգ Ավետիսյանը միջնորդել էր նաև դատատեխնիկական փորձաքննություն նշանակել Տպագրիչների փողոցի բնակիչ Խաչատուր Ջանազյանին պատկանող ավտոմեքենայի նկատմամբ՝ նշելով, որ անհրաժեշտ է պատասխանել այդ ավտոմեքենայի ազդանշանային համակարգի վերաբերյալ որոշակի հարցերի:
Կողմերի՝ միջնորդության մասին կարծիք հայտնելուց հետո դատավոր Գագիկ Պողոսյանը հեռացավ խորհրդակացական սենյակ որոշում կայացնելու: Դատական նիստն այժմ ընդմիջվել է, որի ավարտից հետո դատավոր Գ. Պողոսյանը կհրապարակի որոշումը՝ միջնորդությունը մերժելու կամ բավարարելու մասին:
