Արմեն Մարտիրոսյան. Իշխան Զաքարյանը երևի շեղվել է «գծից»
«Այնպես չէ, որ Իշխան Զաքարյանն ինքնագործունեությամբ է զբաղվել: Գուցե ինչ-որ բան այն չի արել, ինչ նախօրոք ասել է նախագահը, բայց այն, որ առանց նրա գիտության բյուջեն շատ չէր քրքրի. ակնհայտ է` երևի շեղվել է գծից»,- մեր թղթակցի հետ զրույցում ասել է «Ժառանգություն» կուսակցության փոխնախագահ Արմեն Մարտիրոսյանն` անդրադառնալով նախագահ Սերժ Սարգյանի մոտ տեղի ունեցած հայտնի քննարկմանը, որի ընթացքում վերջինս անդրադարձել էր նաև Վերահսկիչ Պալատի 2012թ. տարեկան հաշվետվությանն ու ՎՊ նախագահ Իշխան Զաքարյանի գործունեությանը:
Հայ ազգային կոնգրես կուսակցության անդամ Վահագն Խաչատրյանի գնահատմամբ էլ նման քննարկումներ ժամանակ առ ժամանակ անցկացվում են` համակարգի պահպանման համար. «Բայց իշխանության գործունեության հարցում պետությունն է վտանգվում: Մարդիկ, այլևս չեն ոգևորվում` չկա նման բան, որ արթնանան ու ոգևորված աշխատանքի գնան: Բայց հակառակն է տեղի ունենում` շատերը սրա արդյունքում կհարցնեն իրենց` ինչո՞ւ նախորդ օրը չհեռացանք, չթողեցինք Հայաստանը»:
