Կանադահայությունը հույս է փափագում՝ Բագրատ Գալստանյանին Հայ Առաքելական եկեղեցու թեմի առաջնորդ տեսնելու ակնկալիքով
Կանադահայությունը իր հույսը չի կորցրել, որ Կանադայի Հայ Առաքելական եկեղեցու թեմի առաջնորդ կրկին կտեսնի Բագրատ Գալստանյանին: Մայիսի 24-26-ը Մոնրեալ քաղաքում տեղի ունեցած Կանադահայոց 30-րդ տարեկան պատգամավորական ժողովի ընթացքում «պաշտոնական արդյունքների»` ձայների 23/24 հարաբերակցությամբ «ընտրված» ԱՄՆ Չիկագոքաղաքի Սուրբ Գրիգոր Լուսավորիչ եկեղեցու հովիվ Տեր Արեն աբղ. Ջեբեջյանը հրաժարվել է ստանձնել Կանադայի Հայ առաքելական եկեղեցու թեմի առաջնորդի պաշտոնը hույս հայտնելով, որ համայնքում նորից խաղաղություն ու համերաշխություն վեահաստատվի, եւ համայնքը չգնա պառակտման: Պատճառը ակնհայտ է`կեղծ ընտրություններն էին և դրանց հաջորդած համատարած դժգոհությունը: Տեր Արեն աբղ. Ջեբեջյանի կողմից նման քայլը հարգանքի նշույլ է դեպի Հայ եկեղեցին և հավատացյալ հասարակությանը:
Կանադահայությունը հանձն է առել տեր կանգնելու իր իրավունքներին և ուշի-ուշով հետևելու է հաջորդող իրադարձություններին: Միևնույն ժամանակ այն ակնկալիքով, որ Բագրատ Գալստանյանը կվերադառնա Կանադա և իր թեկնածությունը կառաջադրի հաջորդ ընտրություններին: Կանադահայությունը վստահ է, որ այս անգամ հաղթելու է արդարությունը և հայ համայնքը վերգտնելու է իր միասնականությունը: Վերջին մեկ ամիսը ցնցման և հիասթափության ամիս էր, իսկ Բագրատ Սրբազանի մատուցած վերջին պատարագը վերահաստատեց տխուր իրականությունը ինչին դեմ էին առել Հայ Առաքելական եկեղեցու հետևորդները:
Բագրատ Գալստանյանի` Կանադայում կատարված տասնամյա աշխատանքն ու ներդրած ավանդն է հաստատում ողջ կանադահայությոյւնը: Նա իր բարեգործական ջանքերով ոչ միայն աջակից է ներկայիս հայ համայնքին, այլև թև ու թիկունք է կանգնում` իր աջակցությունն հաղորդելով Կանադա ժամանած շատ ու շատ ներգաղթյալ հայերի:
Այս վերջին իրադարձությունները ցույց տվեցին, որ Կանադահայ հասարակությունը կարող է մեկ բռունցք դառնալ փոխելով որոշումների վեկտորը, քանզի Հայ եկեղեցին հենց Հայ հասարակությունն է:
Կանադայի Հայ Առաքելական Եկեղեցու հետևորդներ
Մոնրեալ, 26 հունիս 2013թ.
