Անգելա Մերկելը նախապես չհայտարարված այցով այսօր ժամանել է Աֆղանստան
France Presse լրատվական գործակալության փոխանցմամբ՝ Գերմանիայի կանցլեր Անգելա Մերկելը նախապես չհայտարարված այցով այսօր ժամանել է Աֆղանստան: Այս մասին գործակալությանը հայտնել է Մերկելի ներկայացուցիչը:
Վերջինիս խոսքերով՝ Մերկելը ժամանել է Աֆղանստանի հյուսիսում ընկած Բալխ նահանգի Մազարի-Շարիֆ քաղաք, ուր գտնվում է գերմանական զինվորական կոնտինգենտի գլխավոր շտաբը: Մերկելին աֆղանական այցի ընթացքում ուղեկցում է Գերմանիայի պաշտպանության նախարար Թոմաս դե Մեզիերը:
Նախորդ անգամ Մերկելն Աֆղանստան է այցելել 2012 թվականի մարտին և նույնպես նախապես չհայտարարված այցով: Այն ժամանակ նրան չէր հաջողվել այցելել Քունդուզ նահանգում գտնվող գերմանական բազա, ինչի պատճառը տվյալ տարածաշրջանում առատ ձյունն էր:
