Խոչընդոտել է լրագրողի աշխատանքին
Լրագրողի պրոֆեսիոնալ գործունեությունը խոչընդոտելու հերթական գործն ընդունվել է Գեղարքունիքի մարզի ընդհանուր իրավասության դատարանի դատավոր Վահագն Մելիքյանի վարույթ:
Ըստ մեղադրանքի՝ Հակոբ Ղազարյանը 05.02.2013թ. ժամը 12:30-ի սահմաններում խոչընդոտել է «Հայկական Ժամ» օրաթերթի լրագրող Հերմինե Մանուկյանի Խաչաղբյուր գյուղի միջնակարգ դպրոցի տնօրեն Սամվել Ղազարյանից հարցազրույց վերցնելուն և լուսանկարելուն՝ փորձելով լրագրողի ձեռքից վերցնել լուսանկարչական ապարատը, խափանել լրագրողական գործունեությանը:
Հակոբ Ղազարյանը մեղադրվում է ՀՀ քրեական օրենսգրքի 164-րդ հոդվածի 1-ին մասով, նրա նկատմամբ խափանման միջոց է ընտրվել չհեռանալու մասին ստորագրությունը:
