Իրանը PKK-ից պահանջել է զինյալներին դուրս չբերել Թուրքիայի տարածքից. Milliyet
Թուրքական Milliyet թերթի փոխանցմամբ՝ Իրանի Իսլամական հեղափոխության պահակազորի ներկայացուցիչ Քասըմ Սուլեյմանին Ղանդիլում գաղտնի հանդիպել է «Քրդստանի աշխատավորական» կուսակցության (PKK) առաջնորդներից Մուրադ Քարայըլանի հետ:
Հանդիպման ժամանակ Սուլեյմանին Քարայըլանից պահանջել է PKK-ի ջոկատները դուրս չբերել Թուրքիայի կազմից: Սուլեյմանին Իրանի կառավարության անունից խոստացել է PKK-ին ապահովել ծանր տեխնիկայով և ցուցաբերել լոգիստիկ աջակցություն: Քարայըլանը մերժել է այդ պահանջները:
Թուրքական մամուլն Իրանի այս քայլը որակել է որպես «անբարոյական առաջարկ»:
Հիշեցնենք, որ մոտ երկու շաբաթ առաջ թուրքական Zaman թերթը գրել էր, որ Թուրքիայի հետ հաշտված PKK-ականների թիրախում կհայտնվի Իրանը, ուր գործում է նրա իրանական թևը՝ PJAK-ը: PKK-ն հայտարարել է, որ Թուրքիայի տարածքը լքելու գործընթացը սկսելու է մայիսի 5-8-ից, և որ դա անելու է առանց իր զենքը հանձնելու:
