Վրաստանում ձերբակալել են Ախալցխայի շրջանի Ծղալթբիլա գյուղի գյուղապետ Պետրոս Վարդանյանին
Akhaltskha.net-ի փոխանցմամբ՝ իրավապահները ձերբակալել են Ախալցխայի շրջանի Ծղալթբիլա գյուղի գյուղապետ Պետրոս Վարդանյանին: Ձերբակալված գյուղապետը մեղադրվում է կաշառք վերցնելու մեջ:
Ախալցխայի գամգեբելիի (շրջանի ղեկավար) պաշտոնակատար Բեսիկ Բլիաձեի խոսքերով` նա ձերբակալության մասին տեղեկացել է ապրիլի 26-ին, երբ նրա հետ կապվել են ֆինանսների ոստիկանությունից:
Ինչ վերաբերվում է ձերբակալվածին, ապա Բեսիկ Բլիաձեն ամիս ու կես է ինչ ճանաչում է նրան, այն բանից հետո, երբ նշանակվել է գամգեբելի: Բլիաձեի խոսքերով` Պետրոս Վարդանյանը իր աշխատանքը եւ պարտականությունները կատարել է լավ:
Նման ձերբակալություն էր եղել նաեւ ապրիլի 17-ին: Կաշառք վերցնելու մեղադրանքով ձերբակալվել էր Ադիգենի շրջանի Գոռգուլի գյուղի գյուղապետ Զուրաբ Տաբիձեն:
