ԿԺԴՀ-ը հրաժարվել է Հարավային Կորեայի հետ բանակցելուց
Հարավկորեական Renhap լրատվական գործակալության փոխանցմամբ՝ Փհենյանը մերժել է Կեսոնի արդյունաբերական շրջանում աշխատանքները վերսկսելու շուրջ բանակցություններ սկսելու մասին Սեուլի արած առաջարկը: Այս մասին հայտնել է ԿԺԴՀ-ի իշխանությունների ներկայացուցիչը:
Պաշտոնական Սեուլն իր այդ առաջարկն արել էր ապրիլի 25-ին: Հարավային Կորեան ԿԺԴՀ-ին տվել էր մեկ օր ժամանակ՝ բանակցային սեղանի շուրջ վերադառնալու համար՝ սպառնալով, որ մերժման դեպքում կդիմի վճռական միջոցների:
Դա Հարավային Կորեայի կողմից արված առաջին առաջարկը չէ: Ապրիլի կեսերին էլ Սեուլն արդեն իսկ առաջարկել էր քննարկել արդյունաբերական գոտու շահագործման հարցը, սակայն Փհենյանը վերստին մերժել էր դա:
