Երևանում մահացել է «օրենքով գող» Ռաֆիկ Խոեցյանը
Երևանում 77 տարեկան հասակում` քաղցկեղից մահացել է «օրենքով գող»` Ռաֆիկ Խոեցյանը, ով հայտնի է նաև Խոյ մականունով: Այս մասին գրում է shamshyan.com-ը:
Ռաֆիկ Խոեցյանը հայտնի է որպես հանցագործ աշխարհի ավագ սերնդի ներկայացուցիչ:
Արդեն մի քանի տարի է, ինչ Խոյը հանգստի է անցել` փոխանցելով իր գործերը` որդուն` Ռաֆայելին:
Խոեցյան-կրտսերը նույնպես կրում է «օրենքով գողի» տիտղոսը ու Մոսկվայում ղեկավարել է գրպանահատների ու կողոպտիչների մի ամբողջ խմբի:
Խոյի հուղարկավորությունը կկայանա ապրիլի 25-ին: Սպասվում է, որ այդ կապակցությամբ Երևան կայցելեն նախկին Խորհրդային Միության քրեական աշխարհի մի շարք ներկայացուցիչներ:
