Շարմազանովը գերադասում է զերծ մնալ ԲՀԿ-ին ավելի կոշտ մեկնաբանություններ անելուց
«Ինձնից լավ գիտեք, որ այդ քաղաքական ուժն ունեցել է ամբողջական պատասխանատվություն՝ անկախ նրանից, թե ով ինչ կասի»,- 168.am-ի հետ զրույցում ԱԺ փոխնախագահ, ՀՀԿ մամուլի խոսնակ Էդուարդ Շարմազանովը:
Հիշեցնենք, որ երեկ ընտրողների հետ հանդիպման ժամանակ Երևանի ավագանու ընտրություններում ԲՀԿ-ի համամասնական ցուցակը գլխավորող Վարդան Օսկանյանն ասել էր, թե ԲՀԿ-ն երբեք իշխանական լծակներ չի ունեցել:
ԲՀԿ մամուլի խոսնակ Տիգրան Ուրիխանյանն էլ այսօր 168.am-ի հետ զրույցում ասել էր, թե «նախկին քաղաքական կարգերի ժամանակաշրջանում» ԲՀԿ-ն մասնակցություն է բերել կառավարման գործընթացին:
168.am-ը Էդուարդ Շարմազանովից հետաքրքրվեց՝ ԲՀԿ-ն չգիտի՞՝ ունեցե՞լ է իշխանական լծակ, թե՞ իմանալով հանդերձ է հերքում դա:
«Ամենավատ բանն այն է, որ երբ մարդ հասկանում է մի բան, բայց ասում է՝ լրիվ այլ բան»,- ի պատասխան, ասաց Էդուարդ Շարմազանովը՝ գերադասելով զերծ մնալ ավելի կոշտ մեկնաբանություններից:
