Թուրքիան հերքել է Անկարայի մոտ գտնվող ավիաբազան Իսրայելին տրամադրելու հնարավորությունը
Թուրքական Hürriyet թերթին տված հարցազրույցի ժամանակ Թուրքիայի կառավարության պաշտոնական ներկայացուցիչը հրապարակել է բրիտանական The Sunday Times-ի այն հրապարակումը, ըստ որի՝ Անկարան պատրաստվում է Իսրայելի հետ բանակցություններ վարել «Աքընջը» ավիաբազայում (գտնվում է Անկարայից 35 կիլոմետր հյուսիս-արևմուտք) իսրայելական կործանիչների տեղակայման հնարավորությունը:
Թուրքական ղեկավարության ներկայացուցիչների խոսքերով՝ ներկա փուլում Անկարան պատրաստ է իսրայելցիների հետ քննարկել միայն մեկ թեմա՝ «Մավի Մարմարայի» միջադեպի հետևանքով զոհված 9 թուրք քաղաքացիների ընտանիքներին փոխհատուցում վճարելու հարցը:
Չինովնիկը հավելել է, որ բանակցությունների ընթացքում չի բարձրացվելու որևէ այլ թեմա, այդ թվում նաև ռազմական համագործակցությանն առնչվող հարցեր: The Sunday Times-ի լրագրող Ուզի Մախնաիմին նախօրին հայտնել էր, որ Անկարա է ժամանելու Իսրայելի Ազգային անվտանգության խորհրդի ղեկավար Յակով Ամիդրորը, ով պետք է բանակցություններ վարի «Աքընջը» ավիաբազայում իսրայելական կործանիչների տեղակայման հնարավորության շուրջ:
Դա կարևորվում է Իրանի միջուկային օբյեկտներին հնարավոր հարված հասցնելու նախապատրաստման տեսանկյունից: Լրագրողին այդ մասին հայտնել էր իսրայելական անանուն ռազմական աղբյուրը, որի պնդմամբ՝ Իսրայելը «Աքընջը» բազայում իսրայելական կործանիչների տեղակայման թույլտվության դիմաց Թուրքիային առաջարկելու է նոր հրթիռային սպառազինություն ու հետևող տեխնոլոգիաներ:
