Վրաերթ՝ Արարատի մարզում. վարորդը փախուստի չի դիմել (լուսանկարներ)
Այսօր՝ ապրիլի 20-ին, վրաերթ է տեղի ունեցել Արարատի մարզում։
Ժամը 10։00-ի սահմաններում Վարդաշեն 2-րդ փողոցի բնակիչ, 21-ամյա Համբարձում Տաբակյանը, վարելով Volkswagen Golf մակնիշի 31 ԼV 532 համարանիշի ավտոմեքեան, Մասիս-Նուբարաշեն ավտոճանապարհի 3-րդ կմ-հատվածում վրաերթի է ենթարկել Արարատի մարզի Նոր Խարբերդ 5-րդ փողոցի բնակիչ Էմին Խչոյանին։
Ինչպես վրաերթի վայրից հայտնում է ֆոտոլրագրող Գագիկ Շամշյանը, վարորդը փախուստի չի դիմել, օգնել է, որպեսզի վրաերթի ենթարկվածը տեղափոխվի բժշկական կենտրոն։
Դեպքի վայր են ժամանել Ճանապարահային ոստիկանության 2-րդ սպայական գումարատկի 3-րդ վաշտի 2-րդ դասակի աշխատակիցները՝ վաշտի հրամանատար Տիգրան Գրիգորյանի, 2-րդ դասակի հրամանատար Սանասար Հարությունյանի գլխավորությամբ։
Տեղում էին նաև ոստիկանության Մասիսի բաժնի օպերատիվ քննչական խումբը։
Լուսանկարները՝ Գագիկ Շամշյանի
